Суперлига янги мавсуми олдидан «Динамо» жамоаси мураббийлар штабига ҳам тажрибали мутахассисларни таклиф этмоқда.
«Динамо» мураббийлар штаби ва клуб раҳбарияти қарорига кўра, Михаил Наумов жамоага таклиф этилди. Футболчилик фаолияти давомида Ўзбекистон миллий жамоаси, «Насаф» ҳамда 2016-2017 йиллар «Динамо» жамоаси дарвозасини қўриқлаган Михаил Наумов клуб дарвозабонлар мураббийи сифатида иш бошлади. 37 ёшли мутахассис билан бир йиллик шартнома имзоланди.
Маълумот учун, жорий мавсум «Динамо» уч нафар дарвозабон билан шартнома имзолаган. Булар – Милое Прекович, Аслонбек Аҳроров ва Фарҳод Раҳматов. Ушбу голкиперлар Михаил Наумов қўл остида янги мавсумга тайёргарлик кўрмоқда.
