“Атлетик” бош мураббийи Марселино Гарсия “Атлетик” жамоасининг Испания Суперкубоги финалида “Реал”ни мағлуб этиш имкониятларига баҳо берди.
“Бу катта ютуқ бўлади. Ғалабадан бошқа нарсани ўйлаш аҳмоқлик бўлади. Шахсан мен ўйинда ғалабамиздан бошқа ҳеч қандай натижа кўрмаяпман. Бу бизнинг йигитлар учун аллақачон катта ютуқ. Улар Чемпионлар лигаси даражасидаги жамоалар билан рақобатлашмоқда ва ҳеч нарсадан қолишмаслигини исботламоқда. Аммо, шуни таъкидлашимиз керакки, бундай даражадаги рақибларни осонликча мағлуб этиб бўлмайди”, - деди Марселино матбуот анжуманида.
