«Ливерпуль» бош мураббийи Юрген Клопп Англия Премьер-лигаси доирасидаги «Брентфорд» устидан қозонилган йирик ғалаба ҳақида фикр билдирди.
Немис мураббийи йирик ҳисобдаги ғалабага қарамай, ўйин унчалик осон бўлмаганини таъкидлади.
«Тўғрисини айтсам, «Брентфорд»га қарши ўйнаш жуда ноқулай бўлди. Бундай вазиятларда сабр-тоқатли бўлиш талаб этилади.
Иккинчи бўлимда биз ўйин назоратини тўлиқ қўлга олишга муваффақ бўлдик. Ўйлайманки, муваффақият калити бизнинг учрашув давомида уларнинг услубига мослаша оганимизда бўлди», - дейди Клопп.
