"Эвертон" раҳбарияти янги бош мураббий изламоқда.
Журналист Жейсон Бертнинг твиттерда ёзишича, ливерпулликлар Белгия Қироллик футбол ассоциациясига миллий терма жамоа устози Роберто Мартинесни "Эвертон" бош мураббийи бўлишга таклиф қилиш борасида мурожаат қилган. Испаниялик мутахассис 2013 йилдан 2016 йилгача инглиз клубида ишлаган эди.
Эслатиб ўтамиз, бугун, 16 январь куни "Эвертон"ни бошқарган Рафаэль Бенитес истеъфога чиқарилган эди. 61 ёшли мутахассис "Эвертон"ни 2021 йилнинг июлидан буён бошқариб келмоқда эди.
19 турдан кейин "Эвертон" 19 очко жамғарди. "Эвертон" АПЛ турнир жадвалида 15-ўринни эгаллаб турибди.
