Мадриднинг “Реал” клуби Испания Суперкубоги финалида “Атлетик Бильбао”ни 2:0 ҳисобида мағлуб этди.
Мадридликлар бош мураббийи Карло Анчелотти билан бешинчи совринни қўлга киритди. Бунгача Чемпионлар лигаси, клублар ўртасидаги жаҳон чемпионати, УЕФА Суперкубоги ва Испания кубогида ғалаба қозонган.
Умуман олганда, 62 ёшли италиялик мутахассис фаолияти давомида 21 та совринга эга чиқди, жумладан, Чемпионлар лигасидаги учта ғалаба, шунингдек, Европанинг тўртта миллий чемпионати – Италия, Англия, Германия ва Францияда чемпионлик унвонига сазовор бўлган.
Карло “Ювентус”, “Милан”, “Челси”, ПСЖ, “Бавария” ва бошқа клубларда ишлаган.
