"Лестер" устози Бренден Рожерс жамоа футболчиси Юри Тилеманс ҳақида фикр билдирди. У шундай дейди:
"Сиз мураббий сифатида исталган футболчингиздан айрилиб қолишингиз мумкин. Шу сабаб сизда ҳар қандай вазият учун режа бўлиши лозим. Бу жуда муҳим омил саналади. Юри Тилеманс ҳозирда ўз тақдирини ўзи белгилаши мумкин бўлган ёшда.
У келаётган ҳар қандай таклифни кўриб чиқишга ҳақли. Қабул қилишга ҳам. Мен уни шу ерда қолишини истар эдим. Мен ҳар қандай футболчи ўз фаолиятини каттароқ жамоада давом эттиришидан хавотирга тушмайман. Сиз ҳар қандай ҳолда ҳам футболчи қарорини ҳурмат қилишингиз керак".
24 ёшли ярим ҳимоячи учун "Арсенал" қизиқиш билдирмоқда.
