“Нюкасл” ва “Бёрнли” клублари “Манчестер Юнайтед” ҳимоячиси Фил Жонсни сотиб олиш имкониятини кўриб чиқмоқда, бироқ манкунианликлар икки йил ичида иккита расмий ўйинда майдонга тушган 29 ёшли футболчи учун 18 миллион евро талаб қилмоқда.Бу ҳақда Daily Star хабар бермоқда.
Манба берган хабарга кўра, англиялик футболчи бош мураббий Ралф Рангникнинг режаларига киритилмаган, бироқ "Манчестер Юнайтед" жароҳати билан боғлиқ муаммоларга қарамай, Жонсни сўралган нархдан арзонроққа қўйиб юборишни режалаштирмаяпти.
Ҳимоячи 2011 йилдан буён "Манчестер Юнайтед"да тўп суради. Футболчининг клуб билан шартномаси 2023 йилнинг июньига қадар мўлжалланган. Трансфермаркт маълумотларига кўра, футболчининг нархи 4 миллион евро.
