"Манчестер Сити" клуби Чемпионшипдан футболчи харид қилади. Хабарларга кўра, "ҚПР" ҳужумчиси Синклер Армстронг "шаҳарликлар" назарига тушган. 18 ёшли Ирландия терма жамоаси аъзоси ўз ўйинлари билан АПЛ клубларини жалб қилмоқда.
Армстронг учун "Саутгемптон" ҳамда "Брентфорд" жамоалари ҳам даъвогарлик қилади. Пеп Гвардиола ёш ҳужумчини сотиб олиб, уни "City Football Group" тизимидаги клублардан бирига ижарага беришни ният қилган.