“Челси” ҳимоячиси Андреас Кристенсенга кўплаб Премьер-лига клублари қизиқиш билдирмоқда. Данияликнинг “аристократлар” билан шартномаси мавсум охирида тугайди, шу боис маҳаллий жамоалар футболчи учун курашишга тайёр.
Бироқ Фабрицио Романонинг фикрича, Кристенсен Премьер-лигада қолишни истамаяпти. Футболчи “Челси”ни ҳурмат қилади ва ҳозирги жамоасининг бевосита рақибларини кучайтиришни истамайди.
Эслатиб ўтамиз, даниялик учун устувор вариантлар “Бавария” ва “Барселона”дир. Ҳар икки клуб ҳам келаси ёзда Андреасни текинга қўлга киритишдан манфаатдор.
Кристенсен жорий мавсумда “Челси” сафида Премьер-лигада 13 та ўйинда майдонга тушди.
