Янги мавсумга тайёргарликни пойтахтимизда давом эттираётган “Бунёдкор” Туркияда йиғин ўтказади.
Аввал хабар берилганидек, янги мавсумга тайёргарликнинг бир қисмидан хориж йиғини ҳам ўрин олган. Хусусан, “қалдирғочларимиз” 5-20 февраль кунлари Туркиянинг Анталия шаҳрида икки ҳафталик ўқув-йиғин машғулотларини ўтказади. Жамоа 5 февраль куни эрта тонгда чартер-рейс билан Анталияга учиб кетади. Шу куннинг ўзидаёқ биринчи машғулот ўтказилади. Йиғин доирасида бешта назорат ўйинида майдонга тушади. Ўртоқлик учрашувларининг санаси маълум – 8-11-14-17-19 февраль. Рақиблар тўғрисида кейинроқ маълумот берамиз.
