«Брайтон» бош мураббийи Грем Поттер «Челси» билан ўйиндан олдинги матбуот анжуманида унинг «Эвертон»га тайинланиши ҳақидаги миш-мишларни рад этди.
Эслатиб ўтамиз, «ирисчилар» яқинда 2021 йилнинг ёзида жамоани бошқарган устози Рафаэл Бенитесни ишдан бўшатганди.
«Кимдир ишини йўқотса, доимо асабийлашади. Лекин миш-мишларга изоҳ беришдан ортиқча маъно кўрмаяпман.
Мен бу ерда жуда хурсандман ва бор эътиборимни ҳозирги ишимга қаратганман», — дея Поттернинг сўзларини келтиради Sky Sports.
Грем Поттер 2019 йилнинг ёзида «Брайтон»ни қабул қилган эди. Эндиликда унинг жамоаси 28 очко билан Премьер-лига турнир жадвалида 9-ўринда бормоқда.
