Россия терма жамоасининг бош мураббийи Дик Адвокат ўзининг келажагига апрель ойининг охирида ойдинлик киритилишини айтди.
"Апрель ойининг охиригача менинг келажагимга ойдинлик киритилади, - дейди Адвокат "Советский спорт" нашрига. - Олдимда икки вариант турибди: ё Россия термасида қоламан, ё яна бирор клубни бошқараман. Терма жамоада ишлаш клубда ишлашдан бошқача. Қаерда ишламай, ишга боримни бераман.
Яна икки-уч йил мураббийлик қилмоқчиман. Ўзимни 64 ёшдан ёшроқ ҳис қиляпман. Тўғрисини айтганда фаолиятимни терма жамоада якунласам, дейман."
