“Милан” Италия А сериясининг 22-тури доирасида “Специя”га имкониятни бой бериб қўйди. Учрашув Миланда “Сан-Сиро” стадионида бўлиб ўтди ва 2:1 ҳисобида меҳмонлар фойдасига ҳал бўлди.

Биринчи бўлим сўнггида португалиялик “россонерилар” ҳужумчиси Рафаэл Леау ҳисобни очди. Бунгача франциялик ҳимоячи Тео Эрнандес гол уриши мумкин эди, аммо у пенальтини голга айлантира олмади.

Иккинчи бўлим ўрталарида “Специя” клубининг колумбиялик яримҳимоячиси Кевин Агудело ҳисобни тенглаштирган бўлса, асосий вақтга қўшиб берилган олтинчи дақиқада Эммануэл Гьяси меҳмонларнинг ғалаба голини киритди.

Ҳозирда, “Милан” ҳисобида 48 очко бор. Стефано Пиоли шогирдлари А серияда иккинчи ўриндаги “Интер”дан икки очко ортда қолмоқда, бироқ Симоне Индзаги шогирдлари заҳирасида бир ўйин бор. “Специя” 22 очко билан 14-ўринда бормоқда.

“Милан” — “Специя” – 1:2

Голлар: 1:0 – 45 Рафаэл Леау, 1:1 – 64 Агудело, 1:2 – 90 Гьяси.

“Милан” – Меньян, Флоренци (Калабрия, 70), Габбия, Калулу, Эрнандес, Бакайоко, Крунич, Салемакерс (Жуниор Мессиас, 57), Ибрагимович, Рафаэл Леау (Ребич, 84), Браим Диас (Жиру, 70).

“Специя” – Проведель, Амьян, Николау, Эрлич, Бастони, Кивер, Реца (Феррер, 77), Маджоре (Коваленко, 80), Гьяси, Манай (Агудело, 58), Верде.

Огоҳлантиришлар: Гьяси (19), Калулу (22), Кивер (32), Проведель (45), Габбия (62), Маджоре (65), Бастони (90).