Туринликлар жорий январдаги трансфер ойнасида ҳужум чизиғини кучайтиришга умид қилмоқда.
"Sky Sports Italia" нашрининг таъкидлашича, "Юве" "Манчестер Юнайтед" ҳужумчиси Энтони Марсьялга қизиқишни йўқотмаган. Тахминларга кўра, "Ювентус" аллақачон франциялик футболчининг агенти билан музокара олиб бормоқда.
Қайд этилишича, "Манчестер Юнайтед" 26 ёшли ҳужумчини ижарага беришга тайёр. Аммо бу Марсиялни ўзига таклиф қилган клуб футболчининг маошини тўлиқ ўз зиммасига олган тақдирдагина мумкин. "Бьянконерилар" шу ҳафта “қизил иблислар” ҳужумчиси борасида бир қарорга келишига умид қилмоқда.
