Жорий трансфер ойнасида яримҳимоячи Танги Ндомбеленинг “Тоттенхэм”ни тарк этиши мумкинлиги ҳақидаги миш-мишлар тугамаяпти. Инсайдер Экрем Конур 25 ёшли франциялик яримҳимоячининг ҳозирда қандай имкониятлари борлиги ҳақида ҳабар берди.
Футболчига Европанинг бир қанча клублари даъвогарлик қилмоқда. Потенциал харидорлар рўйхатига Мадриднинг “Атлетико”, шунингдек, Италиянинг “Наполи” ва “Рома” клублари бор. Тангининг бозор қиймати 38 миллион еврога баҳоланмоқда.
Ндомбеле “шпорлар” сафида 2019 йилнинг июлидан бери тўп суради. Унинг клуб билан шартномаси 2024/2025 йилги мавсум охиригача амал қилади.
