Daily Mail хабарига кўра, "Эвертон" хўжайини Фарад Мошири жамоасини сотиш ҳақида ўйламоқда.
Келажакда у клубни таъминлашда жиддий молиявий қийинчиликларга дуч келиши мумкин. Шунинг учун Мошири жамоани сотишга тайёр.
"Эвертон" тахминан 350 миллион фунтга баҳоланган ва клубнинг деярли 90% га эгалик қилувчи Фарад Мошири 450 миллион фунт стерлинг сармоя киритган. Сўнгги уч йил ичида улар 265 миллион зарар кўрди.
Бунинг устига, Мошири клубнинг ярим миллиард фунтлик янги стадиони учун тайёргарлик ишларига 50 миллион фунт стерлинг сармоя киритди. Янги аренани қуриш учун 350 миллион фунт стерлингдан ортиқ хусусий сармоя керак.
