“Тоттенхэм” бош мураббийи Антонио Конте АПЛ доирасидаги “Арсенал”га қарши ўйинни кечиктириш ҳақидаги қарорини тушунмаяпти. Эслатиб ўтамиз, футбол ассоcиацияси “канонирлар” таркибида фақат битта футболчида коронавирус юқтирганини инобатга олиб, кейинга қолдиришга қарор қилганди. Асосан, “Арсенал” жароҳатлар, футболчиларнинг Африка кубогига кетиши ва Гранит Жаканинг дисквалификацияси туфайли кадрлар билан боғлиқ муаммога дуч келган.
“Биз ўйинни ўтказишга тайёр эдик, кейин ўйин қолдирилаётганини эшитдик. Бу жуда ғалати. Мен ҳаётимда биринчи марта бундай нарсага дуч келяпман”, деди Конте матбуот анжуманида.
Эслатиб ўтамиз, Шимолий Лондон дербисининг янги санаси ҳозирча номаълум.