Бразилиянинг "Оле Бразил"  футбол мактабида тарбияланиб қайтган болалар учун "Байтерек" жамоаси тузилди ва бу жамоа Қозоғистон биринчи дивизионида иштирок этади, деб хабар беради tengrinews.kz.

"Биз ҳаммасини бошидан бошлашимизга тўғри келади. Лекин менинг болаларим ёш ва жонкуярдирлар. Мен уларни яхши биламан ва улар билан 2009 йилдан буён биргаман. Биз бу ерда Бразилияда кўрганларимизни қилмоқчимиз, улардан ҳақиқий профессионаллар етишиб чиқиши мумкин. Бунинг устига улар тажрибали ўйинчилар билан ўйнашади", - дейди қозоғистонлик болаларнинг бразилиялик устози Тиаго Козлоски.

Мутахассиснинг сўзларига қараганда, биринчи дивизион старт олгунга қадар бир ой вақт қолган бўлсада, "Байтерек" барча расмиятчиликни жойига қўйишга улгуради.

Қозоғистон футбол федерацияси ушбу жамоа ташкил қилиниши ҳақида шарҳ билдирмади.

Эслатиб ўтамиз, 15 ёш қозоғистонлик болалар уч йил давомиа Бразилиянинг "Оле Бразил" футбол академиясида тарбияланиб қайтганларидан сўнг, "Астана-1964" клуби билан шартнома имзолаган эдилар. Кейинроқ жамоани бошқаришга таклиф этилга Тиагу Козлоски ишдан бош тортган ва ўз шогирдлари билан "Астана-1964"ни тарк этган эди.