CIES Football Observatory халқаро спорт тадқиқотлари маркази Европа клублари 2018/19 йилги мавсумдан бери пенальтиларни қанчалик кўп ишлатганини таҳлил қилди.

Топ-5 лигада ушбу давр мобайнида энг кўп пенальтиларни “Манчестер Юнайтед” футболчилари ишлаган. Ўртача ҳисобда, “қизил иблислар” ҳар 299 дақиқада 1 та пенальти тепади.

ПСЖ ҳар 305 дақиқада пенальти ишлашга муваффақ бўлган бўлса, “Лацио” ва “Интер” ҳар 315 дақиқада 11 метр жарима зарбасидан фойдаланган. “Милан” ва “Ювентус” бўлса, ҳар 324 дақиқада ҳакам томонидан 11 метрлик жарима зарбаси билан “сийланган”.

Ҳар 419 дақиқада бир марта пенальти тепадиган “Челси” рейтингда 24-ўринда, “Барселона” 25-ўринда (428 дақиқа), “Манчестер Сити” 26-ўринда (434).

“Бавария” рейтингда 34-ўринда (466 дақиқа), “Реал” 42-ўринда (503).