Роберт Левандовски ФИФА талқинига кўра йилнинг энг яхши футболчиси учун овоз беришда қандай танлов қилганини тушунтирди.
Польшалик ўйинчи «Челси» ва Италия терма жамоасининг яримҳимоячиси Жоржиньони биринчи ўринга қўйган эди.
«У ўтган йили кўплаб совринларни қўлга киритганди. 2021 йил унинг учун фантастик руҳда ўтди. Қолаверса, Жоржиньо жуда кўп муҳим голларни урди», дейди Роберт.
Эслатиб ўтамиз, Левандовски олдинроқ «The Best» совринини қўлга киритган эди. У сўровномада Лионель Мессидан бор-йўғи 4 очко кўпроқ овоз тўплаган.