ПСЖ мавсум охирида “Манчестер Юнайтед” билан шартномаси тугайдиган франциялик яримҳимоячи Поль Погбани ўз сафига қўшиб олиш устида ишламоқда. Томонлар ҳозирда трансфер бўйича музокаралар олиб боришмоқда, деб хабар беради ESPN.
Шунингдек, парижликлар ҳозирда “Милан”да тўп тепаётган ивуарлик яримҳимоячи Френк Кессини ҳам қўлга киритишини мўлжалламоқда. 25 ёшли африкалик футболчининг ҳам шартномаси муддати мавсум сўнггида тугайди.
Ўтган ҳафта охирида Погба “Юнайтед”ни тарк этишга қарор қилгани ва фаолиятини давом эттириш учун ПСЖ устувор вариант эканлиги хабар қилинганди.
