«Барселона» бош мураббийи Хави жамоа ҳимоячиси Рональд Араухо билан шартномани узайтириш борасида фикр билдирди.
«Унинг шартномани янгилаши «Барса» учун устувор вазифа. У ғолиблик характерига эга ва жамоа учун жуда муҳим футболчи.
Умид қиламанки, келишувга эришилади, чунки бу футболчи бизга ҳозир ҳам, келажакда ҳам керак. У жамоага кўп нарса бера олади», - дейди Хави.
Уругвайлик футболчининг «Барселона» билан амалдаги шартномаси 2023 йилгача мўлжалланган. У келишувни узайтиришга тайёр, бироқ маоши ошишини кутмоқда.
