“Аякс”нинг голландиялик яримҳимоячиси Райан Гравенберх ёзги трансфер ойнасида “Реал”га ўтиши мумкин, деб хабар беради “OKDiario”.

Манбага кўра, Мадриднинг “Реал” клуби Гравенберхнинг розилигини аллақачон олган, чунки футболчи “Сантьяго Бернабеу”да ўйнашни истамоқда.

Қайд этилишича, мадридликлар ҳозирда “Аякс” билан музокараларни бошлаш учун энг қулай вақтни кутмоқда, чунки улар яримҳимоячининг трансфери бўйича келишув тахминан 40 миллион еврога тушишини билишади.

Хабар қилинишича, Гравенберх бу ёзда “қироллик клуби” яримҳимоясини кучайтириш учун асосий номзод ҳисобланади.

Жорий мавсумда 19 ёшли футболчи Голландия чемпионатининг 19 та ўйинида майдонга тушиб, битта гол урди ва 3та голли узатмани амалга оширди.