Испаниянинг "Осасуна" клуби президенти Пачи Иско шанба оқшомида бўлиб ўтадиган премьеро баҳсида "Реал" устидан ўз жамоасининг ғалаба қозонишини истаётганлигини таъкидлаб ўтди. Шунингдек, президент испаниянинг икки гранди доимий равишда ҳакамлардан шикоят қилишини танқид қилди.

"Очиғи "Реал" ёки "Барса" ҳакамлардан шикоят қилса, кулгим қистайди.
Испания футболини томоша қилаётган ва футболни ҳеч бўлмаса 10% тушунадиган одам айтсинчи, бу мавсумда "Реал" ёки "Барса" фойдасига ҳакамлар қанча қарорлар чиқаришди.

"Шанба куни "Осасуна" ажойиб ўйин кўрсатишини ва "Реал" мағлубиятга учратишини истайман. Бунинг учун рақибнинг босимини енгиб ўтиш зарур бўлади".

Биз бу мавсумда ўз майдонимизда "Барселона"ни мағлубиятга учратдик. "Реал"ни ҳам мағлуб эта олсак, ажойиб иш бўлар эди", дейди "Осасуна" президенти Marca нашрига берган интервьюсида.