"Қизил иблислар" бош мураббийи Ральф Рангник ярим ҳимоячи Скотт Мактоминей жароҳати ҳақидаги саволга жавоб берди.
25 ёшли шотландиялик футболчи жароҳати сабаб "Брентфорд"га қарши баҳсни якунлай олмади. Унинг ўрнига 84-дақиқада Неманья Матич майдонга тушди.
“Унинг орқа қисмига зарба берилди ва у тўғри нафас ололмади. Финал ҳуштаги чалинганидан кейин у билан кийиниш хонасида гаплашдим, у шанба кунигача тайёр бўлиши керак.
Скотт МакТоминей иккинчи бўлимда яхши ўйин кўрсатди, у деярли барча курашларда ғалаба қозонди", - дея Рангникнинг сўзларидан иқтибос келтиради "Манчестер Юнайтед" матбуот хизмати.
