"Барселона" ҳужумчиси Усмон Дембеленинг атрофидагилар 24 ёшли франциялик футболчи қишки трансфер ойнасида Каталония клуби босимига қарамай жамоасини ўзгартирмайди, деб хабар берди "Mundo Deportivo".

Дембелега яқин манбанинг хабарига кўра, улар "Барселона" билан янги шартнома имзолаш ҳали ҳам мумкинлигини айтишмоқда. Қайд этилишича, Каталония клуби ҳужумчининг шартларини бажарса, бу содир бўлади.

“Усмон доимий таҳдид ва босим остида ишлашни истамайди. Дембеле "Барселона" билан шартномасини узайтириш борасида музокаралар олиб бормоқчи. Клуб албатта шартномани бузмайди. Ҳозир кетиши-кетмаслиги фақат унга боғлиқ”, – деди французга яқин манбалар.