Италиянинг "Женоа" клуби янги бош мураббийи Александер Блессин ушбу лавозимга тайинланиш тафсилотларини очиқлади.
«Барчаси жуда тез амалга ошди. Барчаси 24 соат ичида ҳал қилинди, мен ҳалигача буни тушунмай турибман. Мен ҳатто "Остенде" футболчилари билан хайрлашишга ҳам улгурмай қолдим. Футболчилар билан машғулотда хайрлашмоқчи эдим, бироқ, воқеалар ривожи тезлаб кетди.
"Женоа" менга рад этиб бўлмайдиган таклиф юборди. Клубнинг А Серияда ўз анъанаси бор, менга узоқ муддатли лойиҳа таклиф қилишди. Бу менинг фаолиятимдаги катта қадам, лекин мен доим "Остенде"дан миннатдор бўлиб қоламан", – деди Блессин "Остенде" клуби расмий сайтига берган интервьюсида.