Италиянинг "Милан" клуби кечаги ўйинда кўплаб мунозараларга сабаб бўлган майдоннинг ҳолати бўйича расмий баёнот берди.
Унда айтилишича, ташкилий қисмда белгиланиб қўйилганидек майдон чимига ўйин бошланишига бир соат вақт қолганда сув сепилиши ва ўйинга тайёр ҳолатга келиши керак эди. Аммо, стадион маъмурлари бу ишни амалга оширишмаган. Расмий маълумотда ўта юқори намлик туфайли майсага сув сепилмаган дейилган.
"Биз бу ҳолат юзасидан, ўйин бошланишидан бир кун олдин УЕФА делегатини ҳамда ўйинни бошқариб бориши керак бўлган ҳакамлар бригадасини огоҳлантирдик.
Ўйин бошланишига саноқли соатлар қолганда, юқоридаги ҳолат вужудга келганига қарамай, УЕФА делегати ҳам, бош ҳакам ҳам майдоннинг умумий ҳолатини қониқарли деб баҳолашди ва ўйин ўтказишга рухсат беришди", дейди "Милан" клуби расмийларидан бири.
Ўйин якунлангач, "Барселона" клуби "Сан Сиро"даги майдоннинг қониқарсизлигини айтиб, УЕФАга шикоят қилганидан хабарингиз бор.
