Янги мавсумга тайёргарликни Туркиянинг Анталия шаҳрида олиб борган “Навбаҳор” жамоаси аъзолари бугун хориждаги илк ўқув-машғулот йиғинини якунлаб, юртимизга қайтиб келишди.

Эслатиб ўтамиз, “лочинлар” Анталияда 6-20 январь кунлари йиғин ўтказиб, унинг доирасида 2 та назорат-синов учрашуви ўтказишди.

Илк ўртоқлик баҳсини Венгриянинг “Спартакус Ньиредьхаза” клубига қарши ўтказган Самвел Бабаян шогирдлари ўша ўйинда нурсиз дурангга (0:0) имзо чекишган бўлса, иккинчи баҳсда вакилларимизга ўтган мавсумда Польша чемпионатида вице-чемпион бўлган, шунингдек, Польша кубогини қўлга киритган, айни пайтда эса Польша миллий чемпионатида 3-ўринда бораётган “Ракув” жамоаси рақиб бўлди ҳамда ўша учрашувда “лочинлар” имкониятни бой беришди (0:3).

“Навбаҳор” ПФК матбуот хизмати.