Бир неча ҳафта олдин Гладбахнинг “Боруссия” клуби яримҳимоячи Денис Закария билан шартномани узайтирмаслигини маълум қилганди. Шу тариқа немислар яримҳимоячини қишда сотишга ва ҳеч бўлмаганда ундан пул ишлаб олишга ҳаракат қилишмоқда.
Олдинроқ даъвогарлар сифатида “Манчестер Юнайтед”, “Бавария” ва “Ювентус” клублари кўрсатилган эди. Бироқ туринликлар Аарон Рэмзи ва Артурни сота олмаганли сабабди, Денис учун бўлган пойгани аллақачон тарк этишди, манкунианликлар эса швейцариялик футболчига ортиқ қизиқиш билдирмаяпти. Ральф Рангникнинг фикрича, “Лейпциг” футболчиси Амаду Хайдар жамоага кўпроқ мос келади, деб хабар беради “The Sun”.
“Bayern & Germany” нашри маълумотларига кўра, Закария ҳозирда “Бавария” билан музокараларни бошлаши мумкин, чунки Мюнхенликлар келишувни амалга оширишга тайёр бўлган ягона жамоадир.
