Лондоннинг "Арсенал" клуби бош мураббийи Микель Артета Англия Лига Кубоги доирасида "Ливерпуль" (0:2) жамоасидан қабул қилиб олинган мағлубиятдан кейинги фикрлари билан ўртоқлашди. Жавоб учрашувида мағлубиятга учраган "канорирлар" турнирни тарк этди.

- Биз жуда хафамиз, чунки, финалга чиқишни жуда хоҳлагандик. Юзага келтирган вазиятларимиздан унумли фойдаланишимиз керак эди ва устунликка эга бўлишимиз керак эди. Дарвоза тўсинини нишонга олдик ва яхши имкониятларни кўкка совурдик. Юзага келтирган вазиятларимиздан унумли фойдаланишимизга жуда ишонган эдик. Жуда ажойиб муҳит яратилганди, шунинг учун бу мағлубиятни қабул қилишимиз қийин. Беш ёки олти нафар футболчимиз бугунги ўйинга тайёр бўлиши учун машғулотларни ўтказиб юборишганди. Томас Партей ёрдам беришга ҳаракат қилди, лекин биз ўйинни ўн киши бўлиб тугатдик. Бу йил биз уч марта 10 киши бўлиб ҳаракат қилдик, — Артетанинг сўзларидан иқтибос келтирмоқда BBC.