Каталониянинг «Барселона» клуби «Манчестер Юнайтед» ҳимоячиси Алекс Теллесни ўз сафига қўшиб олиш учун қаттиқ бел боғлаган. Бу ҳақда британия матбуоти хабар тарқатмоқда. Ушбу трансфер январь ойидаёқ амалга ошиши кутилмоқда.
«МЮ» ўз футболчисини ижарага бериш ниятида эмас, "қизил иблислар" 25 ёшли Теллеснинг трансферидан 18 миллион евро ишлаб олишни мўлжаллаб туришибди.
Жорий мавсум Теллес 11 та учрашувда майдонга тушиб, битта гол киритди ва битта голга ассистентлик қилди.