Хабарингиз бор,янги мавсумга тайёргарлик борасида ўқув-машғулот йиғинини ўтказиш учун Илҳом Мўминжонов бош мураббийлигидаги "Нефтчи" футбол клуби кеча Туркиянинг Анталья шаҳрига жўнаб кетганди. Манзилларига етиб борган жамоа аъзолари меҳмонхонага жойлашгандан сўнг, куннинг иккинчи ярмида илк машғулотларда қатнашди.Бугун ҳам бир марта машғулот ўтказган футболчилар, эртадан бошлаб кунига икки маҳалдан шуғуллана бошлайдилар.
Анталья шаҳрида олиб борилаётган ўқув-машғулот йиғинлари доирасида жамоа 4 та назорат-ўртоқлик баҳсларида иштирок этади.
28 январь
"Нефтчи"— KF LLAPI (Косово)
2 февраль
"Нефтчи"—"Факел"(Россия)
6 февраль
"Нефтчи"—"Черноморец" (Украина)
9 февраль
"Нефтчи"—"Шинник" (Россия)
Туркиядаги йиғинларга жалб этилган футболчилар:
Акбар Тўраев, Машҳур Муҳаммаджонов, Шуҳратилло Раҳмонов, Муҳсин Убайдуллаев, Абдуллоҳ Олимов, Ҳусниддин Ғофуров, Иззатилла Абдуллаев, Санжар Абдуллажонов, Ҳусниддин Ғофуров, Мирзоҳид Ғофуров, Шерзод Каримов, Ойбек Қиличев, Лутфулла Тўраев, Умар Атҳамзода, Шодиёр Хожиматов, Сирожиддин Қўзиев, Дониёр Назруллаев, Дарко Станоевич, Даниэль Стойкович, Александр Ешич.
Шунингдек, ҳозирги кунда Ўзбекистон (U-18) терма жамоа йиғинига жалб этилган "Нефтчи" (U-18) ёшлар жамоанинг истеъдодли ярим ҳимоячиси Фаҳриддин Муҳаммаджонов 27 январь куни Туркияга йўл олиб, "Нефтчи" ихтиёрига келиб қўшилади.
"Нефтчи" матбуот хизмати
