УЕФА мусобақалар ўтказиш ишлари директори Жоржио Маркеттининг сўзларига қараганда, "Барселона"нинг "Сан-Сиро" стадиони майсаси юзасидан "Милан"га қарши арзномасига ҳеч қандай сабаб йўқ, дея хабар беради УЕФА расмий сайти.
"Бу муаммоан ҳамманинг хабари бор. "Интер" ва "Милан" ҳаммасини ҳаммасини жойига қўйишга ҳаракат қилмоқда. Бу майдонда кўп ўйинлар бўлиб ўтади, шунинг учун майсанинг ҳолати идеал бўлмаслиги мумкин. Шуни айтиш керакки, майдоннинг ҳолати идеал бўлмаса ҳам, сифати талабга жавоб беради."
Эслатиб ўтамиз, "Милан" ва "Барселона" ўртасидаги ўйин 0:0 ҳисобида тугаган эди, жавоб ўйини 3 апрель куни Барселона шаҳрида бўлиб ўтади.
