Англия терма жамоасининг собиқ футболчилари - Гари Невилл ва Жейми Каррагерлар 2021 йилнинг расмий терма жамоасини тузиб чиқишди.

Sky Sports экспертларининг терма жамоаси 4-3-3 схемаси остида тузилди.

Невиллнинг терма жамоасидан Джанлуиджи Доннарумма («ПСЖ»), Леонардо Спинаццола («Рома»), Джорджо Кьеллини, Леонардо Бонуччи (иккаласи – «Ювентус»), Жоау Канселу («Манчестер Сити»), Йозуа Киммих («Бавария»), Марко Верратти («ПСЖ»), Жоржиньо («Челси»), Муҳаммад Салоҳ («Ливерпуль»), Эрлинг Холанд («Боруссия» Дортмунд) ва Килиан Мбаппе («ПСЖ»)лар жой олишди.

«Ливерпуль» собиқ ҳимоячиси Каррагер эса Джанлуиджи Доннарумма («ПСЖ»), Леонардо Спинаццола («Рома»), Джорджо Кьеллини («Ювентус»), Рубен Диаш («Манчестер Сити»), Трент Александер-Арнолд («Ливерпуль»), Нголо Канте («Челси»), Кевин де Брюйне («Манчестер Сити»), Марко Верратти («ПСЖ»), Муҳаммад Салоҳ(«Ливерпуль»), Роберт Левандовски («Бавария») ва Килиан Мбаппе («ПСЖ»)ларни танлади.

Невилл ҳам, Каррагер ҳам ўз терма жамоалариган «ПСЖ» ҳужумчиси Лионеля Месси ва «Манчестер Юнайтед» аъзоси Криштиану Роналдуларни киритишмади.

«Лео, сен таркибдан жой ола билмадинг. Сен етарлича яхши ўйнай олмадинг, ҳатто Америка Кубогида ғолиб чиққан бўлсанг ҳам. Шу сабабли, бу таркибдан Муҳаммад Салоҳ жой олди.

Мавсум аввалида Невилл билан гаров ўйнагандик – Месси ёки Роналду деб. Мен Мессини танлагандим, у эса Роналдуни, лекин бу икки футболчига ҳам таркибдан жой топилмади», – деди Каррагер.