"Барселона" бош мураббийи Хави ҳужумчи Ансу Фатининг жароҳати ҳақида фикр билдириб ўтди.

"Биз унинг оиласи билан учрашдик. Душанба куни эса Ансу ва шифокорлар ўртасида учрашув бўлиб ўтади. Ўшанда якуний қарор қабул қилинади. Бу такрорланувчи жароҳат. Бу бизнинг назоратимиз остидаги нарса эмас. Ансуда бундай жароҳат бошқа такрорланмаслигига қаратилган аниқ режа ишлаб чиқамиз.

Афсуски, шундай ҳолат юзага келди. У энди ўзига бўлган ишончни қайтариб, ўзини яхши ҳис қилаётганди. У ёмон аҳволга тушиб қолди. У бизга керак. Ажойиб футболчини йўқотдик. Шу боис, бу вазиятга барчамизга таъсир кўрсатди.

Унинг тикланиши ва жароҳатлар ҳақида унутиши учун руҳий жиҳатдан ёрдам беришимиз керак. Оптимизмни сақлаган ҳолда унинг бошқа жароҳатга йўлиқмаслигига умид қилишимиз зарур", - деди Хави.

Фати жорий мавсумда 10та ўйинда иштирок этиб, 5та гол муаллифига айланди.