Самарқанддаги "Олимпия" стадионида Биринчи лига вакили — "Регистон" клуби Ўзбекистон кубоги-2012 мусобақасининг 1/16 финалининг Олий лиганинг янги мавсумда ҳали мағлубият аламини тортиб кўрмаган "Олмалиқ" ФК футболчиларини қабул қилишди.
Қийин ва муросасиз курашларга бой бўлган учрашувнинг 80-дақиқасида мезбонлар дарвозасига белгиланган пенальтини Евгений Гоголь аниқ амалга ошириб, ўз жамоасига нимчорак финал йўлланмасини тақдим этди.
"Олмалиқ" ФК футболчилари энди 1/8 финалда бугун Ғаллаоролда маҳаллий "Автомобилчи-Ғаллакор" клуби устидан йирик — 0:5 ҳисобида устун келган "Андижон" ФК футболчилари билан куч синашишади.
Ўзбекистон кубоги – 2012, 1/16 финал.
РЕГИСТОН – ОЛМАЛИҚ ФК 0:1 (0:0)
Гол: Евгений Гоголь (80-пенальтидан)
Бош ҳакам: Шуҳрат Бозоров (Наманган)
2012 йил 30 март. Самарқанд. "Олимпия" стадиони. 1500 томошабин.
