Англия чемпионати 23-туридан ўрин олган "Манчестер Юнайтед" – "Вест Хэм" учрашувига оид қизиқарли статистика ва фактлар билан танишинг.

– “Ман Юнайтед” АПЛ доирасида кетма-кет иккинчи ўйинда биринчи бўлимда рақиб дарвозаси томон аниқ зарба йўллай олмади. Бу ўйинда Манчестер жамоаси 49-дақиқага келиб рақиб дарвозаси томон аниқ зарба берди;

– Криштиану Роналду “Юнайтед”га қайтганидан кейин еттита жарима зарбасидан бирорта ҳам гол ура олмади. У “Ювентус”да 71 имкониятдан битта гол урганди;

– Маркус Рэшфорд АПЛ доирасидаги ўйинларда тўртинчи марта 90-дақиқадан кейин гол уриб, жамоасига ғалаба келтирди. Бу “Ман Юнайтед” тарихидаги энг яхши натижа;

– “Юнайтед” Ральф Рангник қўл остидаги 10 та ўйинда 6 ғалаба, 3 дуранг ва битта мағлубият қайд этди;

– Девид Мойес АПЛ тарихида 15 марта “Олд Траффорд”га ташриф буюриб, уларнинг бирортасида ҳам ғалаба қозона олмаган. Бу лига антирекорди ҳисобланади;

– Роналду “Юнайтед” сафида кетма-кет учта ўйинда бирорта самарали ҳаракат амалга ошира олмади.