Angliya chempionati 23-turidan o‘rin olgan "Manchester Yunayted" – "Vest Xem" uchrashuviga oid qiziqarli statistika va faktlar bilan tanishing.
– “Man Yunayted” APL doirasida ketma-ket ikkinchi o‘yinda birinchi bo‘limda raqib darvozasi tomon aniq zarba yo‘llay olmadi. Bu o‘yinda Manchester jamoasi 49-daqiqaga kelib raqib darvozasi tomon aniq zarba berdi;
– Krishtianu Ronaldu “Yunayted”ga qaytganidan keyin yettita jarima zarbasidan birorta ham gol ura olmadi. U “Yuventus”da 71 imkoniyatdan bitta gol urgandi;
– Markus Reshford APL doirasidagi o‘yinlarda to‘rtinchi marta 90-daqiqadan keyin gol urib, jamoasiga g‘alaba keltirdi. Bu “Man Yunayted” tarixidagi eng yaxshi natija;
– “Yunayted” Ralf Rangnik qo‘l ostidagi 10 ta o‘yinda 6 g‘alaba, 3 durang va bitta mag‘lubiyat qayd etdi;
– Devid Moyes APL tarixida 15 marta “Old Trafford”ga tashrif buyurib, ularning birortasida ham g‘alaba qozona olmagan. Bu liga antirekordi hisoblanadi;
– Ronaldu “Yunayted” safida ketma-ket uchta o‘yinda birorta samarali harakat amalga oshira olmadi.
