Англиянинг «Кристал Пэлас» клуби бош мураббийи Патрик Виейра АПЛ доирасида«Ливерпуль» (1:3) жамоасига қарши ўйинни бошқарган ҳакамларни танқид қилди.
«Ливерпуль» – жуда яхши жамоа эканлигини билардик. Нима кутиш кераклигини жуда яхши билардик. Биринчи бўлимда улар биздан кўра анча яхши ўйин намойиш этишди. Биз жуда катта қийинчиликка дуч келдик. Улар ўйин мобайнида ҳамма нарсани назорат қилишди ва биз уларга босим ўтказадиган йўлларни топа олмадик.
Иккинчи бўлимда ўз ўйинимизни намойиш этишга ҳаракат қилдик ва рақибга босим ўтказишни бошладик. Улар жисмоний тарафдан чарчаб қолишди ва биз гол киритишни уддасидан чиқдик. Бу бизга қўшимча куч берди ва ўйин темпини оширдик.
Кейин эса пенальти белгиланди. Ҳакамнинг хатоси ўйинга катта таъсир ўтказди. У қабул қилган қарорларини тушунтириб бериши керак.
Фикримча, Жота жуда ақлли ўйнади. Контакт – футболнинг моҳияти. Ҳакамлар билан учрашувлар ўтказилганди ва улар бизга контакт – футболнинг моҳияти эканлигини тушунтиришганди. Ҳозир эса булар барчасини аксинча бажаришди. Уларнинг қарорларидан ғазабландим. Ўша вазиятни бир неча марта такроран томоша қилдик. Ҳеч қанақасига пенальти йўқ эди.
Биз гол киритган пайтимизда ташаббус биз томонга ўтган эди. Ҳисобни тенглаштиришимиз мумкин эди. Аммо, ҳакам бугун бизни "ўлдирди", – деди Виейра.