«Челси» бош мураббийи Томас Тухель жорий мавсумда «Тоттенхэм» устидан қозонилган кетма-кет тўртинчи ғалаба ҳақидаги таассуротлари билан ўртоқлашди. Бу сафар «кўклар» принципиал рақиб дарвозасига жавобсиз иккита гол йўллади.
«Биз яхши кайфиятда танаффусга чиқишимиз керак эди. Яхшиямки, ўзимиз хоҳлагандек ўйнай олдик. Йигитлар ҳозир жуда чарчаган, чунки бу қийин мавсум бўлмоқда. Кейн томонидан бекор қилинган голми? Мен бу эпизодни яхши кўрмадим. Ўша пайтда жонли эфирда менга бу тоза гол бўлиб туюлди, бекор қилинганида ҳайрон бўлдим», деди немис мутахассиси
Ушбу ғалаба «Челси»га Премьер-лига турнир жадвалида учинчи ўрин учун курашда таъқибчиларидан бироз узоқлашишга эришди.
