«Рома» ҳужумчиси Тэмми Абрахам Италия А сериясининг 23-туридан ўрин олган «Эмполи»га қарши ўйинда (4:2) дубл қайд этди. Бу гол инглиз футболчиси учун «бўрилар» сафидаги сўнгги 12 учрашувдаги 12-гол бўлди. 2021 йил ноябрь ойидан буён топ-5 лига жамоалари орасида фақатгина «Бавария» ҳужумчиси Роберт Левандовски (14) Тэммидан кўпроқ гол урди. Бу ҳақда Footy Accumulators нашри хабар бермоқда.
24 ёшли Абрахам 2021 йилнинг ёзида Англиянинг «Челси» жамоасидан 40 миллион евро эвазига «Рома»га ўтган эди. Жорий мавсумда ҳужумчи Италия чемпионатининг 21та ўйинида 8та гол урди ва 3та голли узатмани амалга оширди. Шунингдек, у Конференция лигасининг олтита ўйинида олтита гол урган.
Абрахамнинг Италия жамоаси билан шартномаси 2026 йилгача мўлжалланган. Трансфермаркт портали футболчини 38 миллион еврога баҳоламоқда.
