"Барселона" сўнгги дақиқаларда киритилган гол эвазига Ла Лига 22-тури доирасида "Алавес" устидан ғалаба қозонди (1:0).
Каталония клуби 21 ўйиндан сўнг 35 очко жамғарган ҳолда турнир жадвалида “Реал Сосьедад” ва “Вильярреал”ни ортда қолдириб, 5-ўринга кўтарилиб олди.
Хави шогирдлари тўртинчи ўриндаги “Атлетико”дан бир очко ортда қолмоқда. 6 февраль куни жамоалар Ла Лиганинг 23-тур учрашувида ўзаро ўйин ўтказишади.
Ла Лига турнир жадвалида 3-ўринни эгаллаб турган "Бетис" "Барса"дан 5 очко олдинда. “Севилья” – 11, пешқадам “Реал” эса 15 очко олдинга илгарилаб кетган каталонияликлардан.
Эслатиб ўтамиз, “Барса” “Реал”, “Севилья” ва “Бетис”дан бир ўйин кам ўтказган.
