«Вест Хэм» футболчиси Деклан Райс «МЮ»га қарши баҳс ҳақида тўхталиб ўтди. У шундай дейди:
«Мен ушбу стадионда тўп тепишни ёқтираман. «Олд Траффорд» менинг энг севимли ўйингоҳларимдан биридир. Аммо ўйим якуни биз истагандек бўлмади. Биз жамоа билан кураш олиб бордик. Ўйинимизда катта фарқ йўқ эди. Шунинг учун дуранг натижа адолатдан бўларди деб ўйлайман. Жамоамиз жуда яхши қарши ҳужум кўникмасига эга. Ўйин сўнгида ҳар доим бу учун имконимиз бўлган. Аммо ўйин тугашига ўттиз сония қолганда гол ўтказиб юбориш, бизга ёмон таъсир ўтказди».
Эслатиб ўтамиз, «Вест Хэм»нинг ушбу мағлубияти жамоани бешинчи ўринга тушириб қўйди.
