Киевнинг "Динамо" клуби президенти Игорь Суркис жамоа ҳужумчиси Артем Милевскийни бир неча маротаба ЙХҚ қўпол равишда бузганлиги учун сўнгги бор огоҳлантирди.
Сўнгги вақтларда Украина ИИВ ва давлат транспорт назоратидан клуб номига бир нечта огоҳлантирувчи хатлар келиб тушмоқда. Унда айтилишича, "Динамо" ҳужумчиси бир неча маротаба Киев кўчаларида йўл қоидаларини бузган ва жаримага тортилган.
Журналистлар билан сўнгги учрашуви чоғида, жамоа президенти Милевкийни тартибга чақирганини айтиб ўтди.
"Милевский Киев кўчаларида бир неча бор қоида бузган. Клубимиз номига эса турли жойлардан хатлар келиб тушмоқда. Мен агар кўчада қоида бузсам, дарҳол жарима тўлайман. Чунки кўчада ҳамма қатори одамман. Қолаверса, доим қоидаларни бузмасликка ҳаракат қиламан. Ўйлайманки, Милевскийга бу нарсалардан тўғри ҳулоса чиқаради. Уни сўнгги маротаба огоҳлантираман. Йўқса, унинг Ferrari сини тортиб оламиз ва "Запорожец" рулига ўтказиб қўямиз. Буни қийин жойи йўқ" дейди, Игор Суркис журналистлар билан мулоқот чоғида.
