"Аталанта" ярим ҳимоячиси Робин Гозенс бошқа жамоага ўтиши мумкин, дея хабар беради журналист Фабрицио Романо.
Манбага кўра, 27 ёшли германиялик футболчига "Интер" даъвогарлик қилмоқда. Шу билан бирга, келишув “Аталанта” футболчини қишки трансфер ойнасида сотмоқчи эмаслиги билан мураккаблашди. Аввалроқ Бергамо клуби "Ньюкасл" таклифини рад этгани ҳақида хабар берилганди.
Жорий мавсумда Гозенс 8 та ўйинда майдонга тушиб, 2 та гол урди ва голли узатмани амалга оширди. Трансфермаркт портали футболчининг нархини 35 миллион еврога баҳоламоқда.
