"Atalanta" yarim himoyachisi Robin Gozens boshqa jamoaga o‘tishi mumkin, deya xabar beradi jurnalist Fabrisio Romano.

Manbaga ko‘ra, 27 yoshli germaniyalik futbolchiga "Inter" da’vogarlik qilmoqda. Shu bilan birga, kelishuv “Atalanta” futbolchini qishki transfer oynasida sotmoqchi emasligi bilan murakkablashdi. Avvalroq Bergamo klubi "Nyukasl" taklifini rad etgani haqida xabar berilgandi.

Joriy mavsumda Gozens 8 ta o‘yinda maydonga tushib, 2 ta gol urdi va golli uzatmani amalga oshirdi. Transfermarkt portali futbolchining narxini 35 million yevroga baholamoqda.