"Фиорентина" ҳужумчиси Душан Влаховичнинг "Ювентус"га трансфери яқин бир неча соат ичида ҳал қилиниши мумкин, дея хабар беради "La Nazione".
Манбага кўра, бугун клублар 21 ёшли сербнинг трансфери бўйича музокаралар олиб боришади.
Аввалроқ, "Ювентус" флоренцияликларга ҳужумчи учун 60 миллион евро таклиф қилгани ҳақида хабар берилганди. Турин клуби аллақачон Влахович билан йилига 7 миллион евро маош оладиган беш йиллик шартномага келишиб олган.
Сербиялик футболчи жорий мавсумда “Фиорентина” сафида 24 ўйинда 20 та гол урди ва 2 та голли узатмани амалга оширди.
