Лондоннинг «Арсенал» клуби «Фиорентина» ҳужумчиси Душан Влахович «Ювентус»га ўтишга яқин тургани ҳақидаги маълумот тарқалганидан сўнг, эътиборини бошқа футболчига қаратди.

Лондонликлар энди «Эспаньол» ҳужумчиси Рауль де Томаснинг хизматларига қизиқишни бошлади. Футболчининг кўрсатаётган ўйини «канонирлар» бош мураббийи Микель Артетага ёқмоқда.

Де Томаснинг трансфери борасида ҳали расмий таклиф юборилмади, лекин «Эспаньол» ўз футболчисига «Арсенал», «Вест Хэм» ва «Лидс» клублари қизиқиш билдираётганидан хабардор. «Ювентус» ҳам де Томасга қизиқиш билдираётганди, аммо туринликлар уни ижарага олишмоқчи эди, шу сабабли, «Эспаньол» бу таклифга рад жавоб берди.

Де Томаснинг шартномасида товон пули 70 миллион еврони ташкил қилади.