Londonning «Arsenal» klubi «Fiorentina» hujumchisi Dushan Vlaxovich «Yuventus»ga o‘tishga yaqin turgani haqidagi ma’lumot tarqalganidan so‘ng, e’tiborini boshqa futbolchiga qaratdi.
Londonliklar endi «Espanyol» hujumchisi Raul de Tomasning xizmatlariga qiziqishni boshladi. Futbolchining ko‘rsatayotgan o‘yini «kanonirlar» bosh murabbiyi Mikel Artetaga yoqmoqda.
De Tomasning transferi borasida hali rasmiy taklif yuborilmadi, lekin «Espanyol» o‘z futbolchisiga «Arsenal», «Vest Xem» va «Lids» klublari qiziqish bildirayotganidan xabardor. «Yuventus» ham de Tomasga qiziqish bildirayotgandi, ammo turinliklar uni ijaraga olishmoqchi edi, shu sababli, «Espanyol» bu taklifga rad javob berdi.
De Tomasning shartnomasida tovon puli 70 million yevroni tashkil qiladi.